വ്യവസായം പുറമെ നിന്ന് നോക്കുമ്പോൾ എളുപ്പമുള്ളതായി തോന്നും. എന്നാൽ യാഥാസ്ഥിതി വ്യത്യസ്തമാണ്. തുടങ്ങിക്കഴിഞ്ഞു മുന്നോട്ട് പോകുമ്പോൾ നിരവധി പ്രശ്നങ്ങളെ സംരംഭകർ തരണം ചെയ്യേണ്ടതുണ്ട്. വിജയകരമായ ഒരു സംരംഭം ആരംഭിക്കാൻ ആഗ്രഹിക്കുന്ന ഏത് വ്യക്തിക്കും അറിഞ്ഞിരിക്കേണ്ട ചില കാര്യങ്ങളാണ് ചുവടെ കൊടുത്തിരിക്കുന്നത്.
- ഉറപ്പെന്ന ഒരു കാര്യമില്ല
വ്യവസായിക പാതയിൽ നിരവധി തടസ്സങ്ങൾ പലപ്പോഴും നേടിടേണ്ടതായി വരും. മുന്നോട്ട് പോകുമ്പോൾ നിങ്ങളുടെ അടുത്ത വെല്ലുവിളി എപ്പോഴുണ്ടാകും എന്നും എങ്ങനെ പ്രതിരോധിക്കണം എന്നും പ്രവചിക്കാൻ കഴിയില്ല. ഇങ്ങനെയുള്ള സാഹചര്യങ്ങൾ നേരിടാൻ നേരത്തെ തന്നെ തയ്യാറെടുക്കണം. കാരണം സംശയങ്ങളിലൂടെയും വെല്ലുവിളികളിലൂടെയും കഴിവ് തെളിയിച്ചവരാണ് ഈ മേഖലയിലും വിജയിക്കുന്നത്.
- ജോലി-ജീവിത ബാലൻസ് എന്ന ഒരു കാര്യമേയില്ല
ജീവിതവും ജോലിയുമായി ഒരു ബാലൻസ് എന്നത് അന്ധവിശ്വാസം മാത്രമാണ്. സംരംഭം തുടങ്ങുന്ന ആദ്യ കാലങ്ങളിൽ ഉറപ്പായും ഇതുണ്ടാകില്ല. ആരോഗ്യ പരിരക്ഷാ, ജോലി-ജീവിത ബാലൻസ്, കുടുംബം തുടങ്ങിയ കാര്യങ്ങളിൽ കൂടുതൽ ചിന്തിക്കുന്നവർക്ക് ബിസിനസ് വെല്ലുവിളികൾ നേരിടേണ്ടി വരും. സംരംഭകർക്കായി ശക്തമായ സമർപ്പണം ആവശ്യമാണ്. എലോൺ മസ്‌ക് തന്റെ സംരംഭങ്ങൾ മുന്നോട്ട് കൊണ്ടുപോകാൻ 100 മണിക്കൂർ വരെ ജോലി ചെയ്തത് ചരിത്രമാണ്.
- ആശയങ്ങളെ അർത്ഥവത്തായ പ്രവർത്തനങ്ങളാക്കി മാറ്റുക
മികച്ച ഒരു ആശയം ഉടലെടുക്കുന്നത് ഒരു തുടക്കം മാത്രമാണ്. അതിനെ യാഥാർഥ്യമാക്കാനുള്ള കഴിവാണ് വിജയത്തിൽ എത്തിക്കുന്നത്. ഒരു സംരംഭം തുടങ്ങാൻ ആഗ്രഹിക്കുന്നവർ ധാരാളമുണ്ടെങ്കിലും, ഏതാനും പേർ മാത്രമേ അവരുടെ സ്വപ്നങ്ങളെ മുന്നോട്ട് കൊണ്ടുപോയി വിജയിക്കുന്നുള്ളു.
ആമസോൺ സ്ഥാപകനായ ജെഫ് ബെസോസ് പറഞ്ഞത് പോലെ, “ആശയങ്ങൾ എളുപ്പമാണ്; നിർവഹണത്തിലാണ് എല്ലാം.” ആമസോൺ ആരംഭിച്ചത് വളരെ എളുപ്പത്തിലായിരുന്നു. എന്നാൽ വിജയകരമായ പ്രവർത്തനമാണ് ആമസോണിനെ വളർത്തി.
- പ്രതിരോധം വിലമതിക്കാനാവാത്തതാണ്
വ്യവസായം ഒരു ദീർഘകാലത്തെ പോരാട്ടമാണ്. എല്ലായ്‌പ്പോഴും നമ്മൾ ഉദ്ദേശിച്ചപോലെ നടക്കണമെന്നില്ല. മുന്നോട്ട് പോകുമ്പോൾ എപ്പോൾ വേണമെങ്കിലും പ്രശ്നങ്ങളും പരാജയങ്ങളും അഭിമുഖീകരിക്കേണ്ടി വരും. കഠിനശ്രമത്തിലൂടെ വിജയിക്കാൻ തയ്യാറായിരിക്കണം.
സ്റ്റീവ് ജോബ്‌സിനെ തൻറെ സ്വന്തം കമ്പനിയായ ആപ്പിളിൽ നിന്ന് 1985-ൽ പുറത്താക്കിയെങ്കിലും, വെല്ലുവിളികളെയും തരണം ചെയ്ത് അദ്ദേഹം വീണ്ടും തിരിച്ചെത്തി.
- ബന്ധങ്ങളുടെ പ്രാധാന്യം മനസ്സിലാക്കുക
വ്യവസായം കച്ചവടത്തിലേക്കുള്ള പാത മാത്രമല്ല. അതിനൊപ്പം ബന്ധങ്ങൾ നിർമ്മിക്കലിലുമാണ്. നെറ്റ്‌വർക്കിംഗ് പുതിയ അവസരങ്ങളും അറിവുകളും നൽകുന്നു. ഉപദേശകരുമായും, സഹപ്രവർത്തകരുമായും, മത്സരക്കാരുമായുമുള്ള ശക്തമായ ബന്ധങ്ങൾ സംരംഭകരെ വിജയത്തിലേക്ക് നയിക്കുന്നു.
മാർക്ക് ക്യൂബൻ എന്ന ബിസിനസുകാരൻ നെറ്റ്‌വർക്കിങ്ങിന്റെ പ്രാധാന്യത്തേക്കുരിച്ച് എടുത്തു പറയുന്നു.
