ഡെലവെയറിലെ ഒരു യുഎസ് പാപ്പരത്ത കോടതി BYJU’S സഹസ്ഥാപകനായ ബൈജു രവീന്ദ്രൻ 1.07 ബില്യൺ ഡോളർ നൽകാൻ ഉത്തരവിട്ടു. കമ്പനിയുടെ യുഎസ് അനുബന്ധ സ്ഥാപനമായ BYJU’S ആൽഫയിൽ നിന്ന് 533 മില്യൺ ഡോളർ ദുരുപയോഗം ചെയ്തതായും ഹെഡ്ജ് ഫണ്ട് കൈമാറ്റവുമായി ബന്ധപ്പെട്ട മറ്റൊരു 540.6 മില്യൺ ഡോളറും സംബന്ധിച്ച കേസിൽ കോടതി ഉത്തരവുകൾ പാലിക്കുന്നതിൽ അദ്ദേഹം പരാജയപ്പെട്ടുവെന്ന് വിധിയിൽ പറയുന്നു.
വിധി “അകാലത്തിൽ” എന്ന് വിശേഷിപ്പിച്ചുകൊണ്ട് രവീന്ദ്രൻ ആരോപണങ്ങൾ നിഷേധിച്ചു, സ്വയം പ്രതിരോധിക്കാൻ തനിക്ക് ആവിശ്യമായ സമയം നൽകിയില്ലെന്ന് അവകാശപ്പെട്ടു. വായ്പാദാതാക്കൾ കോടതിയെ തെറ്റിദ്ധരിപ്പിച്ചുവെന്ന് ആരോപിച്ച് യുഎസ് കോടതികളിൽ കുറഞ്ഞത് 2.5 ബില്യൺ ഡോളറിന്റെ എതിർവാദം ഫയൽ ചെയ്യുമെന്ന് അദ്ദേഹം പറയുന്നു.
2021 ൽ BYJU’S എടുത്ത 1.2 ബില്യൺ ഡോളർ വായ്പയുമായി ബന്ധപ്പെട്ട ഒരു വലിയ തർക്കത്തിന്റെ ഭാഗമാണ് ഈ കേസ്. പ്രശ്നത്തിലായ എഡ്ടെക് ഭീമൻ ഇതിനകം യുഎസിലും ഇന്ത്യയിലും നിരവധി നിയമപോരാട്ടങ്ങൾ നേരിടുന്നുണ്ട്, നിലവിൽ പാപ്പരത്ത നടപടികൾ നേരിടുകയാണ്.
