നിരവധി ഓൺലൈൻ ഗെയിമിംഗ് കമ്പനികൾക്ക് നൽകിയ ജിഎസ്ടി (ചരക്ക് സേവന നികുതി) ഷോ-കോസ് നോട്ടീസുകൾക്ക് സുപ്രീം കോടതി വെള്ളിയാഴ്ച സ്റ്റേ അനുവദിച്ചു. നികുതി അധികാരികളുടെ വർദ്ധിച്ചുവരുന്ന പരിശോധനയ്ക്ക് വിധേയമായ ഓൺലൈൻ ഗെയിമിംഗ് മേഖലയ്ക്ക് ഇത് താൽക്കാലിക ആശ്വാസം നൽകി.
മാർച്ച് 18 ന് നടക്കുന്ന കേസിൽ സുപ്രീം കോടതിയുടെ അന്തിമ വാദം കേൾക്കലിന് മുന്നോടിയായി ജസ്റ്റിസ് ജെ ബി പർദിവാല അധ്യക്ഷനായ ബെഞ്ചാണ് വിധി പുറപ്പെടുവിച്ചത്. ഓൺലൈൻ ഗെയിമിംഗ് വ്യവസായം നേരിടുന്ന ചില അടിയന്തര സാമ്പത്തിക സമ്മർദ്ദങ്ങളും നിയന്ത്രണ അനിശ്ചിതത്വങ്ങളും ഈ തീരുമാനം ലഘൂകരിക്കുമെന്ന് പ്രതീക്ഷിക്കുന്നു.
2022-23 കാലയളവിലും 2023-24 ലെ ആദ്യ ഏഴ് മാസങ്ങളിലും 1.12 ലക്ഷം കോടി രൂപയുടെ ജിഎസ്ടി വെട്ടിപ്പ് നടത്തിയതായി ആരോപിചാണ് ഗെയിമിംഗ് കമ്പനികൾക്ക് ഡിജിജിഐ 71 നോട്ടീസുകൾ അയച്ചത്. പലിശയും പിഴയും ഒഴികെ, മൊത്തം ബാധ്യത പലിശ ഉൾപ്പെടെ 2.3 ലക്ഷം കോടി രൂപ കവിയുമെന്നാണ് കരുതുന്നത്.
2023 ജൂലൈയിലാണ്, 50-ാമത് GST കൗൺസിൽ ഓൺലൈൻ ഗെയിമിംഗിന്റെ പൂർണ്ണ മുഖവിലയ്ക്ക് 28% GST ചുമത്താൻ തീരുമാനിച്ചുത് ഇത് 2023 ഒക്ടോബർ 1 മുതൽ പ്രാബല്യത്തിൽ വന്നു. ഈ തീരുമാനം ഗെയിമിംഗ് വ്യവസായത്തിൽ പ്രവർത്തിക്കുന്ന സ്റ്റാർട്ടപ്പുകളിൽ ഒന്നിലധികം അടച്ചുപൂട്ടലുകൾക്കും നിരവധി പിരിച്ചുവിടലുകൾക്കും കാരണമായി.
ഗെയിമിങ് മേഖലയിൽ ഏർപ്പെട്ടിരിക്കുന്ന നൂറിലധികം ഇന്ത്യൻ സംരംഭകർ, സിഇഒമാർ, വ്യവസായ സ്ഥാപനങ്ങൾ എന്നിവർ തീരുമാനം പുനഃപരിശോധിക്കണമെന്ന് ആവശ്യപ്പെട്ട് ഇന്ത്യൻ സർക്കാരിന് കത്തെഴുതിയിരുന്നു. ഗെയിംസ്ക്രാഫ്റ്റ്, ഡ്രീം11, പ്രോബോ, എംപിഎൽ തുടങ്ങിയ ഗെയിമിംഗ് കമ്പനികൾക്കും ഇത്തരം നോട്ടീസുകൾ ലഭിച്ചിരുന്നു.
