ഒരു വീട് വാങ്ങുന്നതാണോ അതോ വാടകയ്ക്ക് താമസിക്കുന്ന അപ്പാർട്ട്മെൻ്റിൽ തുടരുന്നതാണോ നല്ലതെന്ന് നിങ്ങൾ ഒരിക്കലെങ്കിലും ചിന്തിച്ചിട്ടുണ്ടാകും. എന്നാൽ ആദ്യം രണ്ടും അതിന്റെതായ ഗുണദോഷങ്ങൾ ഉള്ളവയാണ് എന്ന് മനസിലാക്കേണ്ടത് അത്യാവശ്യമാണ്. മാത്രമല്ല, ഭവനവായ്പ എടുത്ത് വീട് വാങ്ങുന്നത് വാടകയ്‌ക്ക് നിൽക്കുന്നതിനേക്കാൾ മികച്ചതാണോ എന്നതിനും കൃത്യമായ ഉത്തരമില്ല. ഒരു വീട് വാങ്ങുക അല്ലെങ്കിൽ വാടക വീട്ടിൽ താമസിക്കുക എന്നത് വൈകാരികമായ തീരുമാനമാണ്. ഒരു വീട് വാങ്ങുകയോ വാടകയ്ക്ക് എടുക്കുകയോ ചെയ്യുന്നത് യുക്തിക്ക് പകരം വികാരങ്ങളാൽ നയിക്കപ്പെടുന്നു.

വീട് എന്നത് വ്യത്യസ്ത ആളുകൾക്ക് വ്യത്യസ്ത കാര്യങ്ങളാണ്. ഓരോ നഗരങ്ങളിലും മാറി മാറി ജീവിക്കേണ്ടി വന്നവർക്ക് എത്രയും വേഗം ഒരു വീട് വാങ്ങി സ്ഥിരതാമസമാകാൻ ആഗ്രഹമുണ്ടാകും. എന്നാൽ ജീവിതകാലം മുഴുവൻ ഒരു നഗരത്തിൽ ജീവിച്ച ഒരാൾക്ക് വ്യത്യസ്ത നഗരങ്ങൾ പര്യവേക്ഷണം ചെയ്യാൻ ആഗ്രഹിച്ചേക്കാം, മാത്രമല്ല ഒരു നഗരവുമായി അത്ര പെട്ടെന്ന് ബന്ധിക്കപ്പെടാൻ ആഗ്രഹിക്കില്ല.

അതിനാൽ നിങ്ങളുടെ പ്രായം, നിങ്ങളുടെ നിലവിലെ വരുമാനം, നിക്ഷേപങ്ങൾ, ബാധ്യതകൾ, ജോലി രംഗം, ലോകത്തെ നിങ്ങൾ എങ്ങനെ കാണുന്നു എന്നിവയെ ആശ്രയിച്ചാണ് വീട് എന്ന തീരുമാനത്തിലേക്ക് എത്തുന്നത്. ഹോം ലോൺ വഴി നിങ്ങൾ ഒരു വീട് വാങ്ങണോ അതോ വാടകയ്ക്ക് താമസിക്കുന്ന അപ്പാർട്ട്മെൻ്റിൽ താമസിക്കണോ എന്ന് മനസിലാക്കാൻ നിങ്ങളെ സഹായിക്കുന്ന ചില ഘടകങ്ങൾ നമുക്ക് നോക്കാം.

ഹോം ലോൺ വഴി വീട് വാങ്ങുന്നതിൻ്റെ പ്രയോജനങ്ങൾ

അസറ്റ് ക്രിയേഷൻ – ഒരു ഹോം ലോൺ എടുക്കുന്നതിനുള്ള ഏറ്റവും സാധാരണമായ ഗുണം നിങ്ങൾ അടിസ്ഥാനപരമായി ഒരു അസറ്റ് നേടുന്നു എന്നതാണ്. എന്നാൽ നിങ്ങൾ താമസിക്കാനായി പണിയുന്ന വീടിനെ ഒരു അസറ്റായി കണക്കാക്കാൻ കഴിയില്ല. എന്നാൽ നിങ്ങൾക്ക് വാടകയ്‌ക്ക് നൽകാൻ ഒരു സ്പെയർ റൂം ഉണ്ടെങ്കിൽ അല്ലെങ്കിൽ നിങ്ങൾ മുഴുവൻ വസ്തുവും വാടകയ്ക്ക് കൊടുക്കാൻ തീരുമാനിക്കുകയാണെങ്കിൽ, അത് വരുമാനം ഉണ്ടാക്കുകയും അങ്ങനെ ഒരു അസറ്റായി കാണുകയും ചെയ്യാം.

സ്ഥിരത – സ്ഥിരതയാണ് മറ്റൊരു പ്രധാന ഘടകം. ഒരു വീട് സ്വന്തമാക്കിയാൽ നിങ്ങൾക്ക് ഇടയ്ക്കിടെ മാറേണ്ടതില്ല, നിങ്ങളുടെ കുട്ടികളുടെ സ്കൂൾ വിദ്യാഭ്യാസവും മറ്റ് പ്രവർത്തനങ്ങളും ഉൾപ്പെടെ നിങ്ങളുടെ ജീവിതം ആസൂത്രണം ചെയ്യാൻ കഴിയുന്ന സ്ഥിരതയുള്ള അന്തരീക്ഷം നിങ്ങൾക്ക് സ്വന്തമാക്കാം.

മെട്രോ നഗരങ്ങളിലെ വർദ്ധിച്ചുവരുന്ന വാടക – കഴിഞ്ഞ കുറച്ച് വർഷങ്ങളായി, പ്രത്യേകിച്ച് മഹാമാരിക്ക് ശേഷം, വാടക കുതിച്ചുയരുന്നതിൻ്റെ കഥകൾ നമ്മൾ കേട്ടിട്ടുണ്ട് അല്ലെങ്കിൽ നേരിട്ടുള്ള അനുഭവമുണ്ട്.

വിവിധ സ്രോതസ്സുകൾ പ്രകാരം, പാൻഡെമിക്കിന് ശേഷം ഇന്ത്യയിലെ മുൻനിര നഗരങ്ങളിലെ റെസിഡൻഷ്യൽ റെൻ്റൽ മൂല്യങ്ങൾ വളരെയധികം വർദ്ധിച്ചു, 2023 വർഷത്തിൽ 30% ത്തിലധികം വർദ്ധനവിന് സാക്ഷ്യം വഹിച്ചു.

അതിനാൽ, വാടകയും ഹോം ലോൺ ഇഎംഐയും തമ്മിലുള്ള അന്തരം കുറയുകയും കൂടുതൽ വ്യക്തികൾ ഒരു വീട് വാങ്ങാൻ നോക്കുകയും ചെയ്യുന്നു.

അനന്തരാവകാശം – ഒരു വീട് ഭാവി തലമുറകൾക്ക് കൈമാറാൻ കഴിയും. അതിനാൽ, നിങ്ങളുടെ കുട്ടി അതേ നഗരത്തിൽ സ്ഥിരതാമസമാക്കിയാൽ, അവർക്ക് ഒരു വീട് വാങ്ങേണ്ട ആവിശ്യം വരുന്നില്ല. അവർക്ക് അവരുടെ സംരംഭങ്ങളിൽ നിക്ഷേപിക്കാൻ അവരുടെ പണം ഉപയോഗിക്കാം.

റിട്ടയർമെന്റ് – നിങ്ങൾ 30-കളുടെ മധ്യത്തിലോ 40-കളുടെ തുടക്കത്തിലോ ഒരു ഭവനവായ്പ എടുക്കുകയാണെങ്കിൽ, ജോലി ചെയ്യുന്ന വർഷത്തിനുള്ളിൽ നിങ്ങൾക്ക് ഹോം ലോൺ അടച്ചുതീർക്കാനാകും. നിങ്ങൾ വിരമിച്ചതിന് ശേഷം വാടക ചെലവുകളെക്കുറിച്ച് വിഷമിക്കേണ്ടതില്ല.

വൈകാരിക നേട്ടങ്ങൾ – ഒരു വീട് സ്വന്തമാക്കുന്നത്, വാടക വീടിന് നൽകാനാവാത്ത അഭിമാനവും സുരക്ഷിതത്വവും നൽകും. ഒരു വീട് സ്വന്തമാക്കുന്നത് നിങ്ങൾക്ക് അനുയോജ്യമെന്ന് തോന്നുന്ന രീതിയിൽ നിങ്ങളുടെ വീട് ഇഷ്ടാനുസൃതമാക്കാനും അത് നിങ്ങളുടെ വീടാക്കി മാറ്റാനുമുള്ള സ്വാതന്ത്ര്യം നൽകുന്നു. മാത്രമല്ല, പെട്ടന്നുള്ള സാഹചര്യങ്ങൾ കൊണ്ട് ഫ്ലാറ്റ് ഒഴിയാൻ നിങ്ങളുടെ വീട്ടുടമ പറയുന്നതിനെക്കുറിച്ച് നിങ്ങൾ വിഷമിക്കേണ്ടതില്ല.

റിവേഴ്സ് മോർട്ട്ഗേജ് – ഒരു ലോണിൻ്റെ വിപരീതമാണ് റിവേഴ്സ് മോർട്ട്ഗേജ്. ഇവിടെ, നിങ്ങളുടെ വീടിന്മേൽ പണം കടം വാങ്ങാം, കൂടാതെ ബാങ്ക് നിങ്ങൾക്ക് എല്ലാ മാസവും ഒരു നിശ്ചിത തുക നൽകും. ലോണിൻ്റെ അവസാനം അല്ലെങ്കിൽ ജീവിച്ചിരിക്കുന്ന അവസാന പങ്കാളിയുടെ മരണശേഷം, വീടിൻ്റെ ഉടമസ്ഥാവകാശം ബാങ്കിലേക്ക് മാറ്റപ്പെടും. നിങ്ങളുടെ കുട്ടികൾക്ക് വീടിന് പണം നൽകാനും വീടിൻ്റെ ഉടമസ്ഥാവകാശം നേടാനും അവസരമുണ്ട്. റിവേഴ്സ് മോർട്ട്ഗേജ് എന്ന ആശയം ഇപ്പോഴും ഇന്ത്യയിൽ വളരെ സാധാരണമല്ലെങ്കിലും, അധിക വരുമാനമുള്ള റിട്ടയർ ചെയ്യുന്നവരെ മറ്റ് വരുമാന സ്രോതസ്സുകളെ ആശ്രയിക്കുന്നത് കുറയ്ക്കുന്നതിനോ അവരുടെ വരുമാനത്തിന് അനുബന്ധമായി നൽകുന്നതിനോ ഇത് സഹായിക്കും.

വാടകയ്ക്ക് പോകുന്നതിന്റെ പ്രയോജനങ്ങൾ

ഫ്ലെക്സിബിലിറ്റി – നിങ്ങൾ ഫ്ലെക്സിബിലിറ്റിക്ക് മുൻഗണന നൽകുകയാണെങ്കിൽ വീട് വാടകയ്ക്ക് എടുക്കുന്നത് ഒരു നല്ല ഓപ്ഷനായിരിക്കാം. ഏഴ് വർഷത്തിൽ കൂടുതൽ ഒരു നഗരത്തിൽ താമസിക്കാൻ നിങ്ങൾ ഉദ്ദേശിക്കുന്നില്ലെങ്കിൽ വാടക വീടാണ് കൂടുതൽ ഫലപ്രദം.

കുറഞ്ഞ പ്രാരംഭ ചെലവുകൾ – ഒരു വീട് വാങ്ങുന്നതിനുള്ള ഡൗൺ പേയ്‌മെൻ്റും ക്ലോസിംഗ് ചെലവും വെച്ച് നോക്കുമ്പോൾ വാടകയ്‌ക്ക് ഒരു വീട് സ്വന്തമാക്കാൻ കുറച്ച് മുൻകൂർ പണമേ ആവിശ്യം വരുന്നുള്ളു.

മാത്രമല്ല, വായ്പയ്‌ക്കെതിരെ അടയ്‌ക്കേണ്ട മൊത്തം പലിശ തുക യഥാർത്ഥ തുകയേക്കാൾ കൂടുതലായിരിക്കുമെന്ന് മനസ്സിലാക്കേണ്ടത് പ്രധാനമാണ്.

ഉദാഹരണത്തിന്, നിങ്ങൾ 20 വർഷത്തേക്ക് 8.75% നിരക്കിൽ 2 കോടി രൂപയുടെ ഭവനവായ്പ എടുത്തിട്ടുണ്ടെങ്കിൽ, നിങ്ങൾ മൊത്തം പലിശയായ 2.24 കോടി രൂപ നൽകണം, അത് യഥാർത്ഥ തുകയേക്കാൾ കൂടുതലാണ്.

പരിപാലനച്ചെലവുകളില്ല – വാടക വീട്ടിൽ ഭൂവുടമ സാധാരണയായി അറ്റകുറ്റപ്പണിൾ കൈകാര്യം ചെയ്യുന്നു. ഈ ചെലവുകൾ ആദ്യം നിസ്സാരമെന്ന് തോന്നുമെങ്കിലും, ഈ ചെറിയ ചെലവുകൾ കൂട്ടി നോക്കിയാൽ അത് വലിയ തുക ആയിരിക്കും.

വാടകയ്ക്കും വാങ്ങലിനും ഇടയിൽ തിരഞ്ഞെടുക്കുന്നത് നിങ്ങളുടെ നിലവിലെ സാമ്പത്തിക സ്ഥിതി, ഭാവി പദ്ധതികൾ, വ്യക്തിഗത മുൻഗണനകൾ എന്നിവയെ ആശ്രയിച്ചിരിക്കുന്നു. അതിനാൽ, തീരുമാനിക്കുന്നതിന് മുമ്പ് ഈ ഘടകങ്ങൾ പരിഗണിക്കേണ്ടത് പ്രധാനമാണ്.