ടുഗതർ ഫണ്ടിൻ്റെ നേതൃത്വത്തിൽ നടന്ന സീഡ് ഫണ്ടിംഗ് റൗണ്ടിൽ AI-കേന്ദ്രീകൃത ഹെൽത്ത്‌ടെക് സ്റ്റാർട്ടപ്പായ കോൺഫിഡോ ഹെൽത്ത് (Confido Health) $3 മില്യൺ സമാഹരിച്ചു. മെഡ്മൗണ്ടൈയ്‌ൻ വെഞ്ച്വർസ് (MedMountain Ventures), റെബെല്ലിയൻ വി സി (Rebellion VC), ഡേവിസി (DeVC), ഓപ്പറേറ്റർസ് സ്റ്റുഡിയോ (Operators Studio) സ്ട്രാറ്റജിക് ഹെൽത്ത്കെയർ ഓപ്പറേറ്റർമാർ എന്നിവരും ഫണ്ടിംഗ് റൗണ്ടിൽ പങ്കെടുത്തു.

AI ടെക് സ്റ്റാക്ക് മെച്ചപ്പെടുത്തുന്നതിനും സർജറി, ഓർത്തോപീഡിക്‌സ്, ഡെൻ്റൽ, പീഡിയാട്രിക്‌സ് തുടങ്ങിയ സ്പെഷ്യാലിറ്റികളുടെ വ്യാപ്തി വർദ്ധിപ്പിക്കുന്നതിനും ലഭിച്ച ഫണ്ട് ഉപയോഗിക്കും.

ചേതൻ റെഡ്ഡിയും വിചാർ ഷ്രോഫും ചേർന്ന് സ്ഥാപിച്ച കോൺഫിഡോ ഹെൽത്ത്, അപ്പോയിൻ്റ്മെൻ്റ് ഷെഡ്യൂളിംഗ്, ഇൻഷുറൻസ് വെരിഫിക്കേഷൻ, കെയർ കോർഡിനേഷൻ തുടങ്ങിയ ജോലികൾ AI ഉപയോഗിച്ച് ചെയ്യാൻ പ്രാപ്തരാക്കുന്നു.

50 ലധികം സ്ഥലങ്ങളിൽ 15-ലധികം ഉപഭോക്താക്കൾക്ക് സേവനം നൽകുമെന്നും പ്രതിമാസം 50,000 രോഗികളിൽ എത്തിച്ചേരുമെന്നും സ്റ്റാർട്ടപ്പ് അവകാശപ്പെടുന്നു.