ക്വിക്ക് കൊമേഴ്‌സ് പ്ലാറ്റ്‌ഫോമായ കിരനപ്രോ (KiranaPro) ഹൈപ്പർലോക്കൽ ഗ്രോസറി ഡെലിവറി സേവനമായ ജോപ്പർ ആപ്പ് (Joper.app) ഏറ്റെടുത്തു. ഹൈപ്പർലോക്കൽ കൊമേഴ്‌സ് മേഖലയിൽ ഞങ്ങളുടെ സാന്നിധ്യം ശക്തിപ്പെടുത്തുന്നുതിനാണ് കമ്പനി ഈ തീരുമാനമെടുത്തത്. ഇടപാടിൻ്റെ സാമ്പത്തിക കാര്യങ്ങളൊന്നും കമ്പനി വെളിപ്പെടുത്തിയിട്ടില്ല.
പലചരക്ക് സ്റ്റോറുകളെ ഒഎൻഡിസി നെറ്റ്‌വർക്കിലൂടെ 10 മിനിറ്റിനുളളിൽ ഡെലിവറികൾ വാഗ്ദാനം ചെയ്യാൻ പ്രാപ്തമാക്കുന്ന AI- പവർഡ് ക്വിക്ക് കൊമേഴ്‌സ് പ്ലാറ്റ്‌ഫോമാണ് കിരനപ്രോ. 2024-ൽ ദീപക് രവീന്ദ്രനും ദിപാങ്കർ സർക്കാരും ചേർന്ന് സ്ഥാപിച്ച കമ്പനിയാണ് കിരനപ്രോ,
റാഞ്ചി, താനെ, കൊൽക്കത്ത, ജയ്പൂർ, മൈസൂരു, നോയിഡ, വൈശാലി എന്നിവയുൾപ്പെടെ 25 നഗരങ്ങളിൽ ഉടനീളമുള്ള ജോപ്പർ ആപ്പിൻ്റെ പ്രവർത്തനങ്ങൾ ഈ വാങ്ങലിലൂടെ കിരനപ്രോ സംയോജിപ്പിക്കും.
“ഈ ഏറ്റെടുക്കൽ ഹൈപ്പർലോക്കൽ കൊമേഴ്‌സ് മേഖലയിൽ ഞങ്ങളുടെ സാന്നിധ്യം ശക്തിപ്പെടുത്തുന്നു, അതേസമയം പ്രാദേശിക സ്റ്റോർ ഉടമകൾക്ക് മികച്ച ടെക്നിക്കൽ സഹായങ്ങൾ ഉറപ്പാക്കുന്നു,” കിരനപ്രോ സിഇഒ ദീപക് രവീന്ദ്രൻ പറഞ്ഞു.
നിരവധി പരമ്പരാഗത റീട്ടെയിലർമാരും D2C ബ്രാൻഡുകളും അടുത്തിടെ ക്വിക്ക് കൊമേഴ്സിലേക്ക് കടന്നിട്ടുണ്ട്. കഴിഞ്ഞ മാസം, ആമസോൺ ബെംഗളൂരുവിലെ ജീവനക്കാരുമായി ക്വിക്ക് കൊമേഴ്‌സ് സേവനമായ ‘തേസ്’ പരീക്ഷിക്കാൻ തുടങ്ങി, അതേസമയം 2024 നവംബറിൽ ഫാഷൻ ഡെലിവറികൾക്കായി മിന്ത്ര എം-നൗ അവതരിപ്പിച്ചു. കഴിഞ്ഞ ഒക്ടോബറിൽ നൈക്ക 10 മിനിറ്റിനുള്ളിലെ ഡെലിവറി മുംബൈയിൽ ആരംഭിച്ചു, അതേസമയം ഫ്ലിപ്പ്കാർട്ട് അതിൻ്റെ മിനിറ്റ്സ് സേവനം ഡൽഹി എൻസിആറിലേക്കും മുംബൈയിലേക്കും വ്യാപിപ്പിച്ചു. കണക്കുകൾ പ്രകാരം 2025-ഓടെ ഇന്ത്യയിലെ ദ്രുത വാണിജ്യ മേഖല 75% വളർച്ച കൈവരിക്കുമെന്ന് പ്രതീക്ഷിക്കുന്നു.
