ഇന്ത്യയിലെ സാധാരണക്കാരായ ഡ്രൈവർമാർക്ക് കൂടുതൽ വരുമാനം ഉറപ്പാക്കുന്നതിനായി സഹകർ ടാക്സി എന്ന ഒരു പുതിയ ടാക്സി സെർവീസ് ആരംഭിക്കാനൊരുങ്ങി സർക്കാർ.

ഇത് ഒല, ഊബർ പോലുള്ള ആപ്പ് അധിഷ്ഠിത ടാക്സി സെർവീസുകളുടെ അതേ രീതിയിലായിരിക്കും പ്രവർത്തിക്കുക. എന്നാൽ ഇതിൽ ഡ്രൈവർമാർക്ക് കൂടുതൽ ലാഭം ലഭിക്കും. ഇടനിലക്കാർ ഇല്ലാതെ, ഡ്രൈവർമാർക്ക് നേരിട്ട് പണം ലഭിക്കുന്നതിനാൽ അവരുടെ വരുമാനം വർദ്ധിക്കും. ഇത് സാധാരണ ഡ്രൈവർമാർക്ക് വലിയ ആശ്വാസമാകും.

ഒല, ഊബർ തുടങ്ങിയ വലിയ ടാക്സി കമ്പനികൾക്കെതിരെയുള്ള ആരോപണങ്ങൾക്കിടെയാണ് സർക്കാരിന്റെ പുതിയ നീക്കം. ഈ കമ്പനികൾ ഉപഭോക്താക്കളെ അവരുടെ ഫോൺ (ഐഫോൺ, ആൻഡ്രോയിഡ്) നോക്കി കൂടുതൽ പണം ഈടാക്കുന്നു എന്ന പരാതികൾ ഉയർന്നിരുന്നു. ഉപഭോക്താക്കളുടെ സംരക്ഷണത്തിനായി പ്രവർത്തിക്കുന്ന സി.സി.പി.എ (CCPA) ഈ കമ്പനികൾക്ക് ഇതുമായി ബന്ധപ്പെട്ട് നോട്ടീസ് അയച്ചിട്ടുണ്ട്.

എന്നാൽ ഒലയും ഊബറും ഈ ആരോപണങ്ങൾ നിഷേധിച്ചു. എല്ലാവർക്കും ഒരേ നിരക്കാണ് ഈടാക്കുന്നതെന്നും ഫോണിന്റെ അടിസ്ഥാനത്തിൽ വിലയിൽ മാറ്റം വരുത്തുന്നില്ലെന്നും അവർ പറഞ്ഞു. എങ്കിലും, സി.സി.പി.എ ഈ വിഷയത്തിൽ അന്വേഷണം നടത്തുന്നുണ്ട്.

2024 ഡിസംബറിൽ സോഷ്യൽ മീഡിയയിൽ ഒരേ യാത്രയ്ക്ക് രണ്ട് ഫോണുകളിൽ വ്യത്യസ്ത നിരക്കുകൾ കാണിക്കുന്ന ചിത്രങ്ങൾ പ്രചരിച്ചതോടെയാണ് ഈ വിവാദം തുടങ്ങിയത്