ജിഎസ്ടി (ചരക്ക് സേവന നികുതി) എന്നത് ബിസിനസുകൾ വിൽക്കുന്ന സാധനങ്ങൾക്കും സേവനങ്ങൾക്കും നൽകേണ്ട ഒരു നികുതിയാണ്. ഇന്ത്യയിലെ നിലവിൽ ഉണ്ടായിരുന്ന നിരവധി നികുതികൾക്ക് പകരമായി നിലവിൽ വന്ന ഒറ്റ നികുതിയാണിത്. നികുതി പിരിവ് ലളിതവും നീതിയുക്തവുമാക്കുക എന്നതാണ് ജിഎസ്ടിയുടെ ലക്ഷ്യം.

ഓൺലൈൻ ബിസിനസുകൾക്ക് ജിഎസ്ടിയുടെ പ്രാധാന്യം?

നിങ്ങക്ക് ഓൺലൈനായി ഉൽപ്പന്നങ്ങളോ സേവനങ്ങളോ വിൽക്കുന്ന ബിസിനസ് ഉണ്ടെങ്കിൽ നിങ്ങൾ GST മനസ്സിലാക്കണം. ഓൺലൈൻ ബിസിനസുകൾ, ഉപഭോക്താക്കളിൽ നിന്ന് GST ശേഖരിച്ച് സർക്കാരിന് അടയ്ക്കണം. GST രജിസ്ട്രേഷൻ ഇല്ലെങ്കിൽ, നിങ്ങൾക്ക് നിയമപരമായ പ്രശ്നങ്ങളും പിഴകളും നേരിടേണ്ടി വരും.

ജിഎസ്ടിയിൽ രജിസ്റ്റർ ചെയ്യേണ്ടത് ആരെല്ലാം?

നിങ്ങളുടെ ബിസിനസ്സിന് ഒരു വർഷം ₹20 ലക്ഷത്തിൽ കൂടുതൽ (സേവനങ്ങൾക്ക്) അല്ലെങ്കിൽ ₹40 ലക്ഷത്തിൽ കൂടുതൽ (സാധനങ്ങൾക്ക്) വരുമാനം ലഭിക്കുകയാണെങ്കിൽ, ജിഎസ്ടി രജിസ്ട്രേഷൻ നിർബന്ധമാണ്. എന്നിരുന്നാലും, നിങ്ങൾ ആമസോൺ, ഫ്ലിപ്കാർട്ട് പോലുള്ള ഓൺലൈൻ പ്ലാറ്റ്‌ഫോമുകളിലൂടെയോ നിങ്ങളുടെ സ്വന്തം വെബ്‌സൈറ്റിലൂടെയോ സേവനമോ സാധനങ്ങളോ വിൽകുകയാണെങ്കിൽ, നിങ്ങളുടെ വരുമാനം പരിഗണിക്കാതെ തന്നെ ജിഎസ്ടി രജിസ്ട്രേഷൻ ആവശ്യമാണ്.

ജിഎസ്ടിയിൽ എങ്ങനെ രജിസ്റ്റർ ചെയ്യാം?

ജിഎസ്ടി പോർട്ടൽ (www.gst.gov.in) സന്ദർശിക്കുക.

• പുതിയ രജിസ്ട്രേഷൻ’ ക്ലിക്ക് ചെയ്ത് നിങ്ങളുടെ വിശദാംശങ്ങൾ പൂരിപ്പിക്കുക.
• പാൻ കാർഡ്, ആധാർ കാർഡ്, ബാങ്ക് വിശദാംശങ്ങൾ, ബിസിനസ് പ്രൂഫ് തുടങ്ങിയ ആവശ്യമായ രേഖകൾ അപ്‌ലോഡ് ചെയ്യുക.
• നിങ്ങളുടെ അപേക്ഷ സമർപ്പിച്ച് അംഗീകാരത്തിനായി കാത്തിരിക്കുക.
• രജിസ്റ്റർ ചെയ്തുകഴിഞ്ഞാൽ, നിങ്ങൾക്ക് ഒരു GSTIN (GST ഐഡന്റിഫിക്കേഷൻ നമ്പർ) ലഭിക്കും, അത് നിങ്ങളുടെ എല്ലാ ഇൻവോയ്സുകളിലും ഉപയോഗിക്കേണ്ടതാണ്.

ജിഎസ്ടി എങ്ങനെ ഈടാക്കാം?

ഉൽപ്പന്നങ്ങളോ സേവനങ്ങളോ വിൽക്കുമ്പോൾ, അവയുടെ വിലയുടെ കൂടെ ജിഎസ്ടി ചേർക്കണം. വ്യത്യസ്ത ഇനങ്ങൾക്ക് ജിഎസ്ടി നിരക്കുകൾ വ്യത്യസ്തമാണ്. ചില നിരക്കുകൾ:

• 5% (ഭക്ഷണം പോലുള്ള അവശ്യ വസ്തുക്കൾക്ക്)
• 12% അല്ലെങ്കിൽ 18% (മിക്ക സാധനങ്ങൾക്കും സേവനങ്ങൾക്കും)
• 28% (ആഡംബര വസ്തുക്കൾക്ക്)

GST റിട്ടേണുകൾ എങ്ങനെ ഫയൽ ചെയ്യാം?

ഓൺലൈൻ ബിസിനസുകൾ അവരുടെ ബിസിനസ് തരം അനുസരിച്ച് എല്ലാ മാസവും അല്ലെങ്കിൽ ഓരോ പാദത്തിലും GST റിട്ടേണുകൾ ഫയൽ ചെയ്യണം. GST റിട്ടേണുകളിൽ വിൽപ്പന, വാങ്ങലുകൾ, അടച്ച നികുതി എന്നിവയുടെ വിശദാംശങ്ങൾ ഉൾപ്പെടുന്നു. GST പോർട്ടലിൽ നിങ്ങൾക്ക് GST റിട്ടേണുകൾ ഓൺലൈനായി ഫയൽ ചെയ്യാം.

ഇൻപുട്ട് ടാക്സ് ക്രെഡിറ്റ് (ഐടിസി)

ജിഎസ്ടി ഉപയോഗിച്ച്, ബിസിനസ്സ് ആവിശ്യങ്ങൾക്കുള്ള വാങ്ങലുകളിൽ നിങ്ങൾ അടച്ച നികുതിയുടെ റീഫണ്ട് ക്ലെയിം ചെയ്യാൻ കഴിയും. ഇതിനെ ഇൻപുട്ട് ടാക്സ് ക്രെഡിറ്റ് (ഐടിസി) എന്ന് വിളിക്കുന്നു. ഉദാഹരണത്തിന്, നിങ്ങൾ ബിസിനസ് ചെലവുകൾക്ക് ₹100 GST നൽകുകയും ഉപഭോക്താക്കളിൽ നിന്ന് ₹200 GST ശേഖരിക്കുകയും ചെയ്താൽ, നിങ്ങൾ സർക്കാരിന് ₹100 മാത്രം നൽകിയാൽ മതി.

ജിഎസ്ടി നിയമങ്ങൾ പാലിക്കാത്തതിനുള്ള പിഴകൾ

നിങ്ങൾ ജിഎസ്ടിയിൽ രജിസ്റ്റർ ചെയ്തിട്ടില്ലെങ്കിലോ നികുതി അടയ്ക്കുന്നതിൽ പരാജയപ്പെടുകയാണെങ്കിലോ, നിങ്ങൾക്ക് കനത്ത പിഴകൾ അടക്കേണ്ടി വരും. പിഴ തുക അടയ്ക്കേണ്ട നികുതിയുടെ 10% (കുറഞ്ഞത് ₹10,000) അല്ലെങ്കിൽ വഞ്ചന നടന്നിട്ടുണ്ടെങ്കിൽ 100% വരെ ആകാം.

ഇന്ത്യയിലെ ഓൺലൈൻ ബിസിനസുകൾക്ക് GST അത്യാവശ്യമാണ്. GST-യിൽ രജിസ്റ്റർ ചെയ്യുന്നതും ശരിയായ നികുതി ഈടാക്കുന്നതും കൃത്യസമയത്ത് റിട്ടേണുകൾ സമർപ്പിക്കുന്നതും നിങ്ങളുടെ ബിസിനസ്സ് സുഗമമായും നിയമപരമായും നടത്താൻ സഹായിക്കും. GST നിയമങ്ങളെക്കുറിച്ച് നിങ്ങൾക്ക് ഉറപ്പില്ലെങ്കിൽ, തെറ്റുകൾ ഒഴിവാക്കാൻ ഒരു നികുതി വിദഗ്ദ്ധനെ സമീപിക്കുക.