ക്രിയേറ്റർ ഇക്കണോമി അതിവേഗം വളരുകയാണ്. ലോകമെമ്പാടുമായി ഏകദേശം 207 ദശലക്ഷം ക്രിയേറ്റർമാരുണ്ട്. 2030-ഓടെ ഈ മേഖല 528.39 ബില്യൺ ഡോളറായി വളരുമെന്നാണ് റിപ്പോർട്ടുകൾ. എന്നാൽ ഇപ്പോഴത്തെ ഇൻഫ്ലുവൻസർ മാർക്കറ്റിംഗിനപ്പുറം, ബ്രാൻഡുകളും റീട്ടെയിലർമാരും പുതിയ ടെക് നോളജികളിലേക്ക് തിരിയുകയാണ്. അതിൽ പ്രധാനപ്പെട്ട ഒന്നാണ് വെർച്വൽ ഇൻഫ്ലുവൻസർമാർ.

വെർച്വൽ ഇൻഫ്ലുവൻസർമാർ

വെർച്വൽ ഇൻഫ്ലുവൻസർമാർ എന്നാൽ യഥാർത്ഥത്തിൽ ജീവനില്ലാത്ത, കമ്പ്യൂട്ടർ ഉപയോഗിച്ച് നിർമ്മിച്ച വ്യക്തികളാണ്. ഇവർക്ക് യഥാർത്ഥ ഇൻഫ്ലുവൻസർമാരെപ്പോലെ സോഷ്യൽ മീഡിയയിൽ ധാരാളം ആരാധകരുണ്ട്. പരസ്യങ്ങൾ, പ്രൊഡക്ട് പ്രൊമോഷനുകൾ എന്നിവയിലൂടെ ഇവർ പണം സമ്പാദിക്കുന്നു. ടിക്‌ടോക്കും മെറ്റയും പോലുള്ള വലിയ കമ്പനികൾ ഈ രംഗത്തേക്ക് വലിയ നിക്ഷേപം നടത്തുന്നുണ്ട്.

വെർച്വൽ ഇൻഫ്ലുവൻസർമാരിൽ രണ്ട് തരമുണ്ട്. ഒന്ന്, പൂർണ്ണമായും പുതിയ കഥാപാത്രങ്ങൾ. രണ്ട്, യഥാർത്ഥ വ്യക്തികളുടെ ഡിജിറ്റൽ രൂപങ്ങൾ.

ആദ്യം എത്തിയത്

ചൈനയിലാണ് പൂർണ്ണമായും പുതിയ കഥാപാത്രങ്ങളായ വെർച്വൽ ഇൻഫ്ലുവൻസർമാർ ആദ്യമായി പ്രത്യക്ഷപ്പെട്ടത്. ഈ കഥാപാത്രങ്ങളുടെ രൂപം, സംസാര രീതി, പ്രായം, താമസസ്ഥലം എന്നിവയെല്ലാം ബ്രാൻഡുകളോ ഇൻഫ്ലുവൻസർ കമ്പനികളോ ആണ് തീരുമാനിക്കുന്നത്.

ഉദാഹരണത്തിന്, ടിമാൾ എന്ന കമ്പനി AYAYI എന്ന വെർച്വൽ ഇൻഫ്ലുവൻസറെ തങ്ങളുടെ ബ്രാൻഡിന്റെ മുഖമായി അവതരിപ്പിച്ചു, @lilmiquela പോലുള്ള മറ്റ് വെർച്വൽ ഇൻഫ്ലുവൻസർമാർ സ്വന്തമായി നിലനിൽക്കുകയും ബ്രാൻഡ് ഡീലുകൾ നേടുകയും ചെയ്യുന്നു.

ചൈനയിൽ ഇവരുടെ വരവിന് മറ്റൊരു കാരണം കൂടിയുണ്ട്. 2018-ലും 2019-ലും നിരവധി സെലിബ്രിറ്റി വിവാദങ്ങൾ ഉണ്ടായി. റാപ്പർ ക്രിസ് വുവിനെതിരായ ലൈംഗികാതിക്രമ കേസ് ഇതിൽ പ്രധാനപ്പെട്ട ഒന്നായിരുന്നു. ബാലെൻസിയാഗ മുതൽ കോച്ച് വരെയുള്ള ബ്രാൻഡുകളുമായി വുവിന് നിരവധി പരസ്യ കരാറുകൾ ഉണ്ടായിരുന്നു. ഈ വിവാദം ബ്രാൻഡുകൾക്ക് വലിയ അപകടമുണ്ടാക്കി.

വെർച്വൽ ഇൻഫ്ലുവൻസർമാർ സാങ്കൽപ്പിക കഥാപാത്രങ്ങൾ ആയതിനാൽ, അവർ ലൈംഗികാതിക്രമ കേസുകളിൽ ഉൾപ്പെടുകയോ തെറ്റായ കാര്യങ്ങൾ പറയുകയോ റദ്ദാക്കപ്പെടുകയോ ചെയ്യില്ല. അവർ സുരക്ഷിതമായ ഒരു മേഖലയിലാണ് പ്രവർത്തിക്കുന്നത്.

സെലിബ്രിറ്റികളുടെ അവതാർ

സെലിബ്രിറ്റികളുടെ ഡിജിറ്റൽ രൂപങ്ങളും വെർച്വൽ ഇൻഫ്ലുവൻസർമാരായി മാറുന്നുണ്ട്. പ്രൊഡക്ട് പ്ലേസ്‌മെൻ്റ് കൂടുതൽ കാര്യക്ഷമമായി ചെയ്യുന്നതിനും പുതിയ കണ്ടന്റുകൾ സൃഷ്ടിക്കുന്നതിനും ഇത് സഹായിക്കുന്നു. യഥാർത്ഥ മനുഷ്യരിൽ നിന്നുള്ള വിവരങ്ങൾ ഉപയോഗിച്ചാണ് ഈ ഡിജിറ്റൽ രൂപങ്ങൾ നിർമ്മിക്കുന്നത്.

ഗായിക FKA Twigs തൻ്റെ ഇൻസ്റ്റാഗ്രാം അക്കൗണ്ട് കൈകാര്യം ചെയ്യാനും ആരാധകരുമായി സംഭാഷണങ്ങൾ നടത്താനും AI Twigs എന്ന ഡിജിറ്റൽ അവതാർ ഉണ്ടാക്കി. കഴിഞ്ഞ വർഷം അവരുടെ ഡീപ്ഫേക്ക് പതിപ്പ് വികസിപ്പിച്ചു. AI-യെക്കുറിച്ചുള്ള ആശങ്കകൾ യു.എസ്. സെനറ്റ് ജുഡീഷ്യറി സബ്കമ്മിറ്റിക്ക് നൽകിയ പ്രസ്താവനയിൽ ഗായിക പറഞ്ഞു. “എൻ്റെ സ്റ്റുഡിയോയിൽ ഇരുന്ന് എൻ്റെ കലയിൽ ശ്രദ്ധ കേന്ദ്രീകരിക്കുമ്പോൾ, എൻ്റെ സോഷ്യൽ മീഡിയ എൻഗേജ്മെന്റ് കൈകാര്യം ചെയ്യാൻ ഈ വർഷം അവസാനം ഞാൻ ‘AI Twigs’ ഉപയോഗിക്കും.”

ഈ ടെക്നോളജിയുടെ നേട്ടങ്ങൾ

ഈ ടെക്നോളജിയിൽ നിന്ന് അവർക്ക് ധാരാളം നേട്ടങ്ങളുമുണ്ട്. സ്വന്തം രൂപം, ശബ്ദം, എന്നിവ ഉപയോഗിച്ച് ആരാധകരുമായി വലിയ തോതിൽ സംവദിക്കാൻ അവർക്ക് കഴിയും. ഈ AI എവിടെ, എപ്പോൾ, എങ്ങനെ ഉപയോഗിക്കണമെന്ന് അവർക്ക് തീരുമാനിക്കാം.

ക്രിസ് റോക്ക് മുതൽ അരിയാന ഗ്രാൻഡെ വരെയുള്ള പ്രധാന സെലിബ്രിറ്റികളെ പ്രതിനിധീകരിക്കുന്ന ക്രിയേറ്റീവ് ആർട്ടിസ്റ്റ് ഏജൻസി (CAA) പോലുള്ള ടാലൻ്റ് ഏജൻസികൾ ഈ നേട്ടങ്ങൾ തിരിച്ചറിയുകയും അവരുടെ പ്രമുഖ ക്ലയൻ്റുകളെ അടിസ്ഥാനമാക്കി വെർച്വൽ അവതാറുകൾ വികസിപ്പിക്കാൻ ശ്രമിക്കുകയും ചെയ്യുന്നു.

സെലിബ്രിറ്റികളുടെയും മറ്റ് പ്രമുഖ വ്യക്തികളുടെയും ഡിജിറ്റൽ രൂപങ്ങൾ സൃഷ്ടിക്കുന്നത് ആ വ്യക്തിയുടെ കൂടുതൽ എളുപ്പത്തിൽ ലഭ്യമാകുന്ന പതിപ്പിലേക്ക് നയിക്കുന്നുവെന്ന് വിദഗ്ദ്ധർ പറയുന്നു. ഇത് അവരുടെ ഡിജിറ്റൽ ഐഡൻ്റിറ്റിയാണ്. അവരുടെ സമ്മതത്തോടെയാണ് ഇത് സൃഷ്ടിക്കപ്പെട്ടത്, സാധാരണക്കാർക്ക് കൂടുതൽ എളുപ്പത്തിൽ ലഭ്യമാക്കുന്നതിന് അവർ സ്വയം ഒരു അവതാർ സൃഷ്ടിക്കാൻ ആഗ്രഹിക്കുന്നു.

ടെയ്‌ലർ സ്വിഫ്റ്റിനെ ഒരു ഉദാഹരണമായി ചൂണ്ടിക്കാണിക്കുന്നു. ലോകത്തിലെ ഏറ്റവും ആവശ്യക്കാരുള്ള കലാകാരികളിൽ ഒരാളായ സ്വിഫ്റ്റിന് എല്ലായ്പ്പോഴും എല്ലാ ആരാധകരുമായും സംവദിക്കാൻ കഴിയില്ല. എന്നാൽ, ഒരു AI പതിപ്പിന് അവരുടെ രൂപം ഉപയോഗിച്ച് ആരാധകർക്ക് അവർ ആഗ്രഹിക്കുന്ന ബന്ധം നൽകാൻ കഴിയും.

ഇൻസ്റ്റാഗ്രാമിലോ ടിക് ടോക്കിലോ ഈ അവതാറുകളുമായി ചാറ്റ് ചെയ്യുമ്പോൾ, നിങ്ങൾ അവരുമായിട്ടല്ല, അവരുടെ വ്യക്തിത്വം നൽകിയിട്ടുള്ള ചാറ്റ്ബോട്ട് പതിപ്പുമായിട്ടാണ് ചാറ്റ് ചെയ്യുന്നത്. ഇത് അവരുമായി ചാറ്റ് ചെയ്യുന്നതുപോലെ തോന്നും. ചില യൂസേഴ്സിന് ഇത് ഇഷ്ടമാണ്. അവർ തങ്ങൾ ആരാധിക്കുന്ന ഒരാളുമായി ഇടപഴകുന്ന അനുഭവം ആസ്വദിക്കും.

സെലിബ്രിറ്റികൾക്ക് ഡിജിറ്റൽ അവതാറുകൾ ഉണ്ടാക്കുന്നതിലൂടെ ലാഭമുണ്ടാക്കാനും സാധിക്കും. AI വലിയ തോതിൽ ബന്ധം സ്ഥാപിക്കാൻ സഹായിക്കുന്നു. അവർക്ക് ഒരു ഡിജിറ്റൽ അവതാർ ഉണ്ടെങ്കിൽ, അവർക്ക് എല്ലായിടത്തും ഉണ്ടാകാൻ കഴിയുകയും ഫാൻസുമായോ കസ്റ്റമേഴ്‌സുമായോ ബന്ധം ഉള്ള നിലനിർത്താൻ സാധിക്കുകയും ചെയ്യുന്നു.