BYJUS-ഉം അതിൻ്റെ വായ്പാദായകരും തമ്മിൽ നടന്നുകൊണ്ടിരിക്കുന്ന തർക്കത്തിൽ, BYJUS ന്റെ അനുബന്ധ സ്ഥാപനങ്ങളായ Epic, Tynker, Osmo എന്നിവയ്‌ക്കെതിരെ മനഃപൂർവമല്ലാത്ത ചാപ്റ്റർ 11 ബാങ്ക്റപ്സി നടപടികൾ ആരംഭിക്കാൻ ചില ടേം ഹോൾഡർമാരും ടേം ലോണിൻ്റെ ഒരു ഏജൻ്റും ഡെലവെയർ ബാങ്ക്റപ്സി കോടതിയിൽ ഹർജി സമർപ്പിച്ചു.
BYJUS- ന്റെ യുഎസ് അധിഷ്ഠിത പ്രവർത്തന സ്ഥാപനങ്ങളുടെ മൂല്യം സംരക്ഷിക്കാനും പരമാവധി വർദ്ധിപ്പിക്കാനും, ആസ്തികളുടെ വഴിതിരിച്ചുവിടലും കോർപ്പറേറ്റ് മിസ്മാനേജ്മെന്റും തടയാനും എല്ലാ പങ്കാളികളുടെയും പ്രയോജനത്തിനായാണ് ഈ നീക്കമെന്ന് ലെൻഡേർസ് പ്രസ്താവനയിൽ പറഞ്ഞു.
“മറ്റ് പ്രധാന ലക്ഷ്യങ്ങൾക്കിടയിൽ, എപ്പിക്!, ന്യൂറോൺ ഫ്യൂവൽ, ടാംഗബിൾ പ്ലേ എന്നിവയുടെ മൂല്യം സംരക്ഷിക്കാനാണ് ഞങ്ങൾ ഈ നടപടി സ്വീകരിച്ചത്. BYJUS ന്റെ വിജയത്തിനായി ഞങ്ങൾ പ്രതിജ്ഞാബദ്ധരായി തുടരുകയും ബിസിനസുകൾ പുനഃസംഘടിപ്പിക്കുന്നതിന് ആവശ്യമായ മൂലധനം നൽകാൻ തയ്യാറാണ്,” ടേം ലോൺ ലെൻഡർമാരുടെ താൽക്കാലിക ഗ്രൂപ്പ് കൂട്ടിച്ചേർത്തു.
BYJU’S 2019-ൽ Osmo-യെ ഏറ്റെടുത്തു, തുടർന്ന് 2021-ൽ Epic, Tynker എന്നിവ സ്വന്തമാക്കി. BYJU-ൻ്റെ 1.2 ബില്യൺ ഡോളർ ടേം ലോൺ B- യുടെ (TLB) യുഎസ് ആസ്ഥാനമായുള്ള ഗ്യാരൻ്റർമാരാണ് ഈ മൂന്ന് സ്ഥാപനങ്ങളും.
കഴിഞ്ഞ വർഷം, ബൈജു രവീന്ദ്രൻ്റെ നേതൃത്വത്തിലുള്ള കമ്പനി, കടം കൊടുക്കുന്നവർക്ക് നൽകേണ്ട TLB-യുമായി ബന്ധപ്പെട്ട കടം തിരിച്ചടയ്ക്കുന്നതിന് കുറഞ്ഞത് 800 മില്യൺ ഡോളർ സമാഹരിക്കുക എന്ന ലക്ഷ്യത്തോടെ, അതിൻ്റെ രണ്ട് ആസ്തികളായ എപ്പിക്, ഗ്രേറ്റ് ലേണിംഗ് എന്നിവയുടെ വിൽപ്പന സാധ്യതകളെ കുറിച്ച അന്വേഷിക്കാൻ തുടങ്ങി, എന്നാൽ, വിൽപ്പന നടന്നിട്ടില്ല.
ബൈജു രവീന്ദ്രൻ്റെ സഹോദരൻ റിജു രവീന്ദ്രൻ 533 മില്യൺ ഡോളർ ടേം ലോണിന്റെ സ്ഥിതിവിവര കണക്കുകൾ വെളിപ്പെടുത്താനോ സ്ഥിരീകരിക്കാനോ വിസമ്മതിച്ചതിനെത്തുടർന്ന് കോടതിയലക്ഷ്യമാണെന്ന കണ്ടെത്തിയ മെയ് മാസത്തെ യുഎസ് ബാങ്ക്റപ്സി കോടതി വിധിയെ തുടർന്നാണ് പാപ്പരത്ത നടപടികളിലേക്ക് ലെൻഡേർസ് കടന്നത്.
