സ്റ്റാർട്ടപ്പുകൾക്കായുള്ള പുതുക്കിയ ക്രെഡിറ്റ് ഗ്യാരണ്ടി സ്കീം (CGSS) സർക്കാർ അംഗീകരിച്ചു. ഒരു വായ്പക്കാരന് പരമാവധി ഗ്യാരണ്ടി കവറേജ് ഇപ്പോൾ 20 കോടി രൂപയാണ്, നേരത്തെ ഇത് 10 കോടി രൂപയായിരുന്നു. ഈട് നൽകാതെ തന്നെ സ്റ്റാർട്ടപ്പുകൾക്ക് വായ്പ ലഭിക്കാൻ ഈ പദ്ധതി സഹായിക്കുന്നു. ബാങ്കുകൾ, NBFC കൾ, മറ്റ് അംഗീകൃത ധനകാര്യ സ്ഥാപനങ്ങൾ എന്നിവക്കാണ് വായ്‌പ്പാ ലഭ്യമാകുക. 2022 ഒക്ടോബർ 6 മുതലുള്ള മുൻ പദ്ധതിക്ക് പകരമായാണ് ഈ പുതിയ പതിപ്പ് വരുന്നത്. ഇത് 2025 മെയ് 8 മുതൽ പ്രാബല്യത്തിൽ വരും.

പുതിയ നിയമങ്ങൾ പ്രകാരം, 10 കോടി രൂപ വരെയുള്ള വായ്പകൾക്ക് ഡിഫോൾട്ട് തുകയുടെ 85% വരെ ഗ്യാരണ്ടി ലഭിക്കും. 10 കോടി രൂപയ്ക്ക് മുകളിലുള്ള വായ്പകൾക്ക് 75% വരെ പരിരക്ഷ ലഭിക്കും. ഇത് വായ്പ നൽകുന്നവർക്കുള്ള അപകടസാധ്യത കുറയ്ക്കുകയും സ്റ്റാർട്ടപ്പുകളെ പിന്തുണയ്ക്കാൻ അവരെ പ്രോത്സാഹിപ്പിക്കുകയും ചെയ്യുന്നു.

വാർഷിക ഗ്യാരണ്ടി ഫീസും (AGF) കുറച്ചിട്ടുണ്ട്. 27 പ്രധാന മേഖലകളിലെ സ്റ്റാർട്ടപ്പുകൾക്ക്, ഫീസ് ഇപ്പോൾ പ്രതിവർഷം 1% ആണ്, ഇത് 2% ആയിരുന്നു. 2025–26 ലെ കേന്ദ്ര ബജറ്റ് പ്രഖ്യാപനത്തിന്റെ തുടർച്ചയായാണ് ഈ പദ്ധതി. പുതിയ ബിസിനസുകൾക്കുള്ള വായ്പാ ലഭ്യത വർദ്ധിപ്പിക്കുന്നതിനും നവീകരണത്തെ പ്രോത്സാഹിപ്പിക്കുന്നതിനും ഇത് ലക്ഷ്യമിടുന്നു. ഇന്ത്യയിലെ ഗവേഷണം, വികസനം, പുതിയ സാങ്കേതികവിദ്യകളുടെ വളർച്ച എന്നിവയെ പിന്തുണയ്ക്കാനും ഇത് പ്രതീക്ഷിക്കുന്നു.